(Видео) Протестите во Бугарија за оставка на Борисов се интензивираат, се фрлаат јајца и овошје кон парламентот
02/09/2020 12:13
Илјадници граѓани веќе 56 дена протестираат пред бугарскиот парламент, барајќи оставки од бугарскиот премиер Бојко Борисов и главниот обвинител на земјата, Иван Гешев.
Демонстрантите фрлаат јајца и јаболка кон полицајците кои го штитат бугарскиот парламент. И жандармеријата беше изнесена на улица.
Полицијата е присутна на сите булевари што водат кон зградата на бугарскиот парламент, каде се одржува седницата. Бугарските медиуми пишуваат дека ескалацијата започнала кога демонстрантите употребиле сила против полициските возила.
