Јован Јованов и Тони Зен го промовираа спотот за „Уште ми требаш“ – продолжението на „Итно ми требаш“ доби нова визуелна приказна
09/11/2026 10:35
Јован Јованов и Тони Зен го објавија официјалниот спот за „Уште ми требаш“, песната која е продолжение на нивниот голем хит „Итно ми требаш“ од пред 18 години.
Новата песна беше премиерно претставена на „Макфест 2026“, а сега доби и официјално видео. Во фокусот на спотот се Јованов и Тони Зен, додека во него се појавува и манекенката Вања Петрушевска.
„Уште ми требаш“ е замислена како продолжение на приказната од „Итно ми требаш“, песната што Јован Јованов, Тони Зен и Ламбе Алабаковски ја објавија пред 18 години.
Но, овојпат приказната е позрела и поемотивна.
Јованов објаснува дека оригиналната песна била приказна за моментална привлечност и ноќно излегување, додека новата зборува за спомен и чувства кои не исчезнале со текот на времето.
Од „Итно“ до „Уште ми требаш“
„Некои песни не можат да се повторат, но некои приказни заслужуваат да продолжат“, е пораката со која Јованов ја опишува новата песна.
„Итно ми требаш“ беше приказна за момент и силна привлечност. Продолжението, пак, е насочена кон сеќавањето и чувствата што остануваат и по многу години.
Авторски потпис на Јован и Тони
Музиката за „Уште ми требаш“ е дело на Јован Јованов.
Текстот го потпишуваат Јованов и Тони Зен, додека продукцијата е на Јован и Иван Јованов.
Песната веќе привлече внимание уште по премиерната изведба на „Макфест“, а со објавувањето на спотот доби и своја целосна визуелна приказна.
Јован Јованов и Тони Зен го објавија официјалниот спот за „Уште ми требаш“, песната која е продолжение на нивниот голем хит „Итно ми требаш“ од пред 18 години.
