(Ексклузивно видео) Голем пожар во Превеза – затворени патишта, воведена бесплатна фериботска линија
17/08/2025 0:21
Голем пожар беснее во регионот Превеза, во околината на Филипијада, каде што изгореа куќи, насади и дел од инфраструктурата.
Поради силниот ветер и брзото ширење на огнот, властите прогласија вонредна состојба и испратија повеќе пораки преку 112 за евакуација на населението.
Иониската автопатека е затворена, а пристапот кон Лефкада преку мостот е ограничен. За да се обезбеди движење, воведена е бесплатна фериботска линија која ќе функционира додека пожарот не биде целосно ставен под контрола.
Пожарникарите и службите за цивилна заштита апелираат граѓаните строго да ги следат насоките и да избегнуваат патување низ загрозените подрачја.
Екипа на МК ИНФОРМЕР, обезбеди ексклузивни снимки од пожарот
