Престон Лајонс доаѓа на турнеја во Македонија – ќе играат со Вардар и Пелистер!
14/09/2025 12:54
Македонскиот фудбалски клуб од Австралија, Престон Лајонс и официјално ја потврди турнејата која ќе почне од понеделник.
Фудбалерите на Престон Лајонс на 15. септември ќе тргнат од Австралија кон Македонија каде ќе се припремаат за новата сезона во тамошното првенство.
Клубот и играчите ќе учествуваат и ќе волонтираат во неколку хуманитарни акции во Македонија, вклучувајќи и дистрибуција на средства во Кочани.
Од клубот се заблагодаруваа на министерот за надворешни работи (МНР) Тимчо Муцунски и претседателот на Фудбалската федерација на Македонија (ФФМ), Масар Омерагиќ кој дале голем допринос за да се случи оваа турнеја.
Престон Лајонс ќе играат во Охрид, Битола и Скопје, а како датуми ги потврдија мечевите со Вардар и Пелистер.
Со Вардар ќе играат на 23. септември во Скопје, а со Пелистер два дена подоцна во Битола.
