Трагедија во Скопје: Загина 56-годишен возач во тешка сообраќајка на „Борис Трајковски“
16/11/2025 16:39
Синоќа, околу 23:10 часот, на булеварот „Борис Трајковски“ во Скопје се случила тешка сообраќајна несреќа во која животот го изгубил 56-годишен маж од Скопје, информира Министерството за внатрешни работи.
Во несреќата учествувале два автомобила – „Фолксваген голф“ управуван од починатиот С.Х., и „БМВ“ со кое управувал 28-годишниот Ф.П. од Скопје.
Поради тешките повреди, возачот на „голфот“ починал на самото место, а смрт констатирала екипа на Итната медицинска помош.
Повредени се и сопатниците во „голфот“, 52-годишната Н.Х. и 24-годишната М.Р.А., како и 28-годишен косовски државјанин и возачот на „БМВ“-то. Тие се хоспитализирани во ГОБ „Св. Наум Охридски“ и Клиничкиот центар „Мајка Тереза“.
Јавен обвинител и полициски екипи извршиле увид на местото на несреќата, а по наредба на обвинител, телото на починатиот е предадено на обдукција. Во тек е детално утврдување на причините за трагедијата.
Синоќа, околу 23:10 часот, на булеварот „Борис Трајковски“ во Скопје се случила тешка сообраќајна несреќа во која животот го изгубил 56-годишен маж од Скопје, информира Министерството за внатрешни работи.
![soobrakajka-motor[1]](https://mkinformer.com/wp-content/uploads/2021/05/soobrakajka-motor1.jpg "18-годишник со мотор загина во тешка сообраќајна несреќа во Чаир")
