Мао Нинг: Кина и Русија работат за мир и глобален развој, не за геополитички блокови
24/11/2025 16:26
Кина ја отфрли оценката на високата претставничка на ЕУ, Каја Калас, дека Пекинг и Москва „работат заедно за реформа на глобалниот економски и безбедносен поредок“, истакнувајќи дека нивната соработка е насочена кон стабилност, мир и заеднички развој.
Портпаролот на кинеското Министерство за надворешни работи, Мао Нинг, нагласи дека односите меѓу Кина и Русија се изградени врз принципите несојуз, неконфронтација и ненасоченост кон трета страна, а дека практичната соработка меѓу двете земји има за цел да придонесе за глобалната стабилност.
Изјавата следува по коментарите на Калас дадени на 4-тиот Индо-пацифички министерски форум, каде што таа оцени дека Кина и Русија заеднички настојуваат да влијаат врз постојниот глобален поредок.
Кинеската страна порача дека билатералните односи со Русија се транспарентни, независни и во функција на „светскиот мир и развој“, нагласувајќи дека Пекинг останува посветен на конструктивна улога во меѓународните процеси.
