„Газпром“ предупредува: Европа ги троши резервите на гас со рекордно темпо
02/12/2025 16:37
Европа во последните денови извлекува гас од своите подземни складишта со рекордно брзо темпо, што сериозно ги намалува резервите и го зголемува ризикот за стабилното снабдување во текот на зимата, предупреди руската енергетска компанија „Газпром“, пренесува РИА Новости.
Според податоците на организацијата „Гасна инфраструктура Европа“ (GIE), на 24, 25 и 26 ноември се регистрирани најголемите дневни повлекувања на гас досега. Особено критична е ситуацијата во Германија, каде нивото на наполнетост на складиштата паднало од 72% на 68,5% за само пет дена, пад кој упатува на забрзана потрошувачка пред зимските мразеви.
На 26 ноември во европските складишта имало вкупно 78,1 милијарди кубни метри активен гас, што е за 10,6 милијарди кубни метри помалку отколку во истиот период минатата година. „Газпром“ нагласува дека ваквото брзо празнење влијае негативно и на техничката ефикасност на магацините, намалувајќи ја нивната способност за брза испорака на гас кога е најпотребно.
Компанијата предупредува дека доколку трендот продолжи, Европа би можела да се соочи со дополнителни енергетски предизвици во текот на зимата, особено доколку температурите продолжат да паѓаат.
![toplo-vremeeeee-650x396[1]](https://mkinformer.com/wp-content/uploads/2021/06/toplo-vremeeeee-650x3961-1.jpg "Kлимaтoлoзитe co стpaшнa пpoгнoзa: Kлимaтa нa Балканoт ќe бидe yштe пoлoшa")
