(Видео)Хаос на паркетот: Тепачка на мечот Пистонс – Хорнетс, четворица играчи исклучени
10/02/2026 11:25
Жестока тепачка го одбележа НБА натпреварот меѓу Детроит Пистонс и Шарлот Хорнетс, откако во третата четвртина дојде до сериозен инцидент кој резултираше со исклучување на четворица кошаркари и дополнително ја вжешти атмосферата во салата.
Од редовите на Шарлот беа исклучени Муса Диабате и Мајлс Бриџис, додека кај Детроит паркетот предвреме го напуштија Џејлен Дурен и Ајзеја Стјуарт.
Инцидентот започна по жесток дуел под кошот, по што дојде до турканици и физички контакт меѓу повеќе играчи, а судиите беа принудени да интервенираат и да донесат строги санкции за смирување на ситуацијата.
Тензичната атмосфера продолжи и во последната четвртина, кога тренерот на Хорнетс, Чарлс Ли, беше исклучен, откако бурно реагираше на една судиска одлука и мораше да биде задржан од членовите на клупата за да не тргне кон судијата.
На крајот, Детроит Пистонс славеа со 110:104, а овој пораз го прекина обидот на Шарлот да го израмни клупскиот рекорд од 10 последователни победи, што дополнително го зголеми разочарувањето кај гостинската екипа.
Жестока тепачка го одбележа НБА натпреварот меѓу Детроит Пистонс и Шарлот Хорнетс, откако во третата четвртина дојде до сериозен инцидент кој резултираше со исклучување на четворица кошаркари и дополнително ја вжешти атмосферата во салата.
