Со децении Соединетите Американски Држави беа перципирани како најблизок сојузник на Германија, но нова анкета покажува значајна промена во јавното мислење.
Според истражувањето на YouGov, нарачано од германската новинска агенција ДПА, 49 проценти од испитаниците ги опишале САД како противник, додека само 16 проценти ги гледаат како партнер. Околу 29 проценти сметаат дека САД не се ниту партнер ниту противник, а шест проценти немале став.
За разлика од тоа, дури 79 проценти од анкетираните ја опишале Франција како партнер, а само четири проценти како противник.
Перцепцијата кон Кина е слична на онаа кон САД – 15 проценти ја гледаат како партнер, а 38 проценти како противник. Русија, пак, е сметана за противник од 76 проценти од испитаниците, додека само пет проценти ја оцениле како партнер.
Истражувањето беше објавено во петокот, на денот кога започна Минхенска безбедносна конференција – еден од најзначајните глобални форуми за безбедносни прашања.
Кризата во рамки на НАТО, поврзана со трговската политика и изјавите на американскиот претседател Доналд Трамп, како и прашањата за американската посветеност кон сојузниците, се очекува да бидат меѓу главните теми на тридневната конференција.
На конференцијата учествуваат повеќе од 60 светски лидери и околу 100 министри за надворешни работи и одбрана.
Со децении Соединетите Американски Држави беа перципирани како најблизок сојузник на Германија, но нова анкета покажува значајна промена во јавното мислење.
