Кина повика на дијалог меѓу Пакистан и Авганистан: Пекинг бара итен прекин на огнот

Тензиите меѓу Пакистан и Авганистан повторно растат, а Кина ги повика двете земји да покажат воздржаност и да седнат на директни разговори, објави CGTN

Кинескиот министер за надворешни работи, Ванг Ји, во телефонски разговор со авганистанскиот министер Амир Кан Мутаки порача дека спорните прашања мора да се решаваат преку дијалог, а не со употреба на сила.

Пекинг бара итен прекин на огнот

Според соопштението на кинеското МНР, Ванг побарал Пакистан и Авганистан што поскоро да работат на прекин на огнот.

Тој нагласил дека е важно двете страни да започнат директни консултации за да се спречи натамошна ескалација.

„Натамошната употреба на сила само ќе ја комплицира ситуацијата и ќе ги зголеми тензиите“, порачал Ванг.

Нападот кај Кандахар ја зголеми кризата

Реакцијата на Кина доаѓа откако Пакистан во петокот бомбардирал складиште за гориво на приватната авиокомпанија „Кам Ер“ во близина на аеродромот во Кандахар.

Овој напад дополнително ја влоши состојбата меѓу двете соседни држави и го зголеми ризикот од поширока нестабилност во регионот.

Разговор и за Иран

Во телефонскиот разговор, двајцата министри размениле мислења и за случувањата во Иран.

Притоа, Кина изразила подготвеност да соработува со меѓународната заедница со цел да се придонесе за мир и стабилност во регионот.

Share on Facebook

Tweet

Follow us

Save