Илјадници љубители на Vespa ги преплавија улиците на Рим за 80 години од култниот скутер
30/06/2026 8:32
Илјадници љубители на популарната Vespa ги преплавија улиците на Рим по повод одбележувањето на 80 години од создавањето на најпознатиот скутер во светот.
На манифестацијата беа претставени над 160 модели, кои го прикажуваат развојот на Vespa од 1946 година до денес.
Шарената колона скутери го исполни историскиот центар на италијанската престолнина, каде што се собрале околу 25.000 возачи од 67 земји.
Рим како светски центар на Vespa
Манифестацијата „Vespa Roma 2026 – 80 years of an icon“, која се одржа од 25 до 28 јуни, го претвори Рим во светски центар на италијанската мотокултура.
Најимпресивниот дел од прославата се одржал во саботата наутро, кога низ градот била организирана голема парада на скутери.
Сепак, прославата не била ограничена само на возењето низ улиците на Рим.
Изложби, концерти и ретки историски модели
Во рамките на комплексот Vespa Village, поставен на стадионот Stadio dei Marmi во спортскиот комплекс Foro Italico, била организирана богата програма со бесплатен влез за посетителите.
Концерти, изложби, поставки со фотографии, како и ретки историски примероци од музејот на Piaggio биле дел од понудените содржини.
Овој меѓународен настан не само што одбележа 80 години од еден од најуспешните италијански производи, туку покажа дека Vespa и денес успешно поврзува различни генерации, култури и стилови на живот.
Илјадници љубители на популарната Vespa ги преплавија улиците на Рим по повод одбележувањето на 80 години од создавањето на најпознатиот скутер во светот.
