Хрватската полиција трага по Бојана Пешевска, Македонка која исчезнала со малолетното дете, обвинета е и во случај за брутално убиство
22/08/2026 21:34
Хрватската полиција трага по Бојана Пешевска, 33-годишна државјанка на Македонија, која исчезнала со своето малолетно дете.
Нејзиното исчезнување било пријавено на 17 август во Вировитица.
Случајот предизвика големо внимание во Хрватска, бидејќи против Пешевска веќе се води судска постапка.
Поврзана со случај за брутално убиство
Според хрватските медиуми, Пешевска е обвинета за вмешаност во убиството на Амар Софиќ од Тузла.
Додека првообвинетиот во случајот се наоѓа во притвор, Пешевска досега се бранела од слобода.
Токму затоа нејзиното исчезнување дополнително го привлече вниманието на јавноста.
Исчезнала со малолетното дете
Според податоците на хрватското МВР, Пешевска е висока околу 165 сантиметри.
Има руса коса и кафеави очи.
Во моментот кога последен пат била видена носела кратка широка маица со натпис, кратки спортски панталони и патики.
Полицијата интензивно трага по неа и по детето.
Засега нема официјални информации каде би можеле да се наоѓаат.
Истрагата продолжува, а хрватската полиција трага по Бојана Пешевска и апелира за информации што би можеле да помогнат во нејзиното пронаоѓање.
ПОВРЗАНИ ВЕСТИ
