Демографски помор: 200 паралелки помалку во основните, 100 во средните и 26 рурални училишта без првачиња

Демографски помор се гледа преку образованието – новата учебна 2026/2027 година ќе започне со значително помал број ученици и паралелки.

Министерката за образование и наука Весна Јаневска соопшти дека годинава ќе има 200 паралелки помалку во основното образование.

Во средните училишта ќе има уште 100 паралелки помалку.

Запишани околу 14.500 првачиња

Според Јаневска, во учебната 2026/2027 година се запишани околу 14.500 првачиња.

Таа претходно најави дека годинава ќе има најмалку 3.000 првачиња помалку во споредба со претходната генерација.

Падот на бројот на ученици веќе директно влијае врз организацијата на наставата и училишната мрежа.

26 рурални училишта без ниту едно прваче

Јаневска очекува годинава природно да престанат со работа 26 рурални училишта.

Причината е што во нив нема запишано ниту едно прваче.

Процесот е дел и од оптимизацијата на училишната мрежа, која треба да овозможи пошироко воведување едносменска настава.

Учебниците веќе се доставени

Министерката информираше дека учебниците за новата учебна година веќе се дистрибуирани до училиштата.

„Првпат годинава тоа го имаме завршено многу порано пред почетокот на учебната година“, изјави Јаневска.

Помалку ученици, а во иднина и помалку студенти

Според министерката, демографскиот пад нема да се почувствува само во основното и средното образование.

Сè помалиот број ученици неизбежно ќе значи и помал број студенти во иднина.

Дополнително, интересот и потребите не се еднакви кај сите студиски програми.

Во однос на субвенционираниот студентски оброк, Јаневска рече дека засега не се планира зголемување на износот.

Според неа, до МОН не пристигнало такво барање од студентските организации.

Податоците за новата учебна година покажуваат сериозно намалување на бројот на деца во образовниот систем. Демографски помор се гледа  преку образованието годинава се гледа преку 300 паралелки помалку и 26 рурални училишта без првачиња.