Во четвртокот навечер луѓето во Македонија и пошироко во регионот на небото можеа да видат светлечки објекти во правилна формација.
Не станува збор за вонземјани, туку за Илон Мак и комуникациските Starlink сателити на компанијата SpaceX.
Сателитите се густо групирани додека се искачуваат на конечната орбита од 550 километри во висина, со брзина од околу 28.000 км/час. Откако се позиционираат повеќе нема да бидат толку воочливи бидејќи рамномерно ќе се распоредат околу целиот опсег на планетата.
Новите 60 Starlink сателити се лансирани од Флорида на 4 мај. Во моментот кога беа видливи од нашето подрачје се наоѓаа на висина од околу 220 километри и се движеа со брзина од околу 27.000 км/час.
