Акција во Велес: Запленети кокаин, 37.000 евра и мобилни телефони!
12/06/2025 9:17
Во координирана акција, полицијата во Велес изврши претреси на повеќе локации, а како резултат се запленети кокаин, готовина и мобилни телефони. Оваа операција е дел од продолжена истрага за сериозен криминален случај кој ја потресе државата.
Одделот за криминалистичка полиција, Одделот за сузбивање на организиран и сериозен криминал и СВР Велес, заедно со обвинител, истражуваа лица поврзани со заплената од еден килограм кокаин кон крајот на ноември минатата година. Пријавени беа три лица поради тоа.
Според најновите информации, денешните претреси беа одобрени од Основниот суд Велес и вклучуваа:
Куќата на А.В. (53) во Велес,
Куќата, станот и викенд куќата на С.С. (47) во Велес и Чашка,
Куќата и плацот на А.Ц. (29) во Велес,
Станот на В.Л. (41) во Велес.
За време на претресите, полицијата пронашла и запленила, непознато количество килограми кокаин, околу 37.000 евра, дигитална вага со остатоци од кокаин, мобилни телефони и други предмети со кои, според полицијата, може да се потврди врската со криминалната дејност.
Дополнително, истиот ден СВР Велес подготвува кривична пријава и за уште едно лице, согласно член 215 од Кривичниот законик, кој се однесува на незаконска трговија со опојни дроги.
