Тошковски: Од петок „Оne stop shop” на Табановце, за брзо време и две нови ленти на Богородица
01/07/2025 17:04
Зголемениот метеж на граничните премини во летниот период ги поттикна властите да ја зајакнат соработката со соседните држави преку воведување на системот „One Stop Shop“. Од петок, 4 јули, на граничниот премин Табановце–Прешево започнува со работа интегрираниот граничен систем помеѓу Македонија и Србија, најави министерот за внатрешни работи Панче Тошковски.
Тој објасни дека новиот модел предвидува единствена контрола на влезот на патници и стоки во земјата, што значително ќе го забрза протокот на луѓе и товар. „Со Србија официјално ќе го активираме системот во петок, со пригодна церемонија. Воедно, интензивно разговараме и со Албанија за воспоставување на истиот модел на два гранични премини“, рече Тошковски.
Македонија веќе има воспоставено интегриран систем со Косово на премините Блаце и Јажинце, додека на Белановце тој сè уште не е активен. Во перспектива, истиот модел се планира и со Албанија.
Што се однесува до граничната контрола со Бугарија и Грција – двете држави членки на ЕУ и Шенген-зоната – Тошковски најави инфраструктурни подобрувања. Конкретно, на преминот Богородица со Грција, Министерството утврдило услови за отворање на најмалку уште две ленти за излез и дополнителна лента за влез на товарни возила.
Овие мерки беа објавени по билатералната средба помеѓу Тошковски и министерот за внатрешни работи на Литванија, Владислав Кондратович, кој престојува во официјална посета на Скопје. Двајцата министри потпишаа договори за реадмисија и за полициска соработка меѓу двете земји.
Зголемениот метеж на граничните премини во летниот период ги поттикна властите да ја зајакнат соработката со соседните држави преку воведување на системот „One Stop Shop“. Од петок, 4 јули, на граничниот премин Табановце–Прешево започнува со работа интегрираниот граничен систем помеѓу Македонија и Србија, најави министерот за внатрешни работи Панче Тошковски.
