Словенија воведува скратено работно време и нови бенефиции за постари и невработени лица од 2026 година
07/08/2025 9:21
Од 1 јануари 2026 година, Словенија ќе воведе значајни промени на пазарот на трудот, следејќи ги примерите на Исланд, Ирска и Германија. Главна новина е моделот на скратено работно време за постари работници, како и проширување на правата за невработени, млади, студенти и пензионери.
Работниците над 58 години, како и оние со најмалку 35 години стаж, ќе добијат можност да изберат: шестчасовен работен ден, слободен петок или продолжен викенд. Ова е дел од моделот 80-90-100, кој подразбира 80% работно време, 90% плата и 100% платени придонеси – систем кој веќе даде позитивни резултати во други европски земји.
Според словенечкото Министерство за труд, пилот-проектите во технолошкиот сектор покажале дека ваквиот пристап ја зголемува продуктивноста и задоволството кај вработените, додека го намалува отсуството од работа.
Законот предвидува и:
Поголеми надоместоци за невработени: до 130% од минималната бруто плата во првите 3 месеци.
Повеќе права за млади, студенти и учесници во јавни работи, вклучувајќи и повисоки минимални часовни плати.
Стимулации за вработување постари од 59 години, до 40% од месечниот нето надомест.
Пензионерите ќе можат да работат до 85 часа месечно (порано 60), што значително го зголемува нивниот годишен заработувачки лимит.
Законот беше донесен по итна постапка, со цел повлекување на 140 милиони евра од европските фондови. И покрај поддршката од левичарската влада, Министерството за финансии изрази загриженост поради очекуваните трошоци кои надминуваат 40 милиони евра.
Дополнителни мерки како 38-часовна работна недела, задолжителен божиќен бонус и надомест за работа во сабота се предвидуваат до крајот на 2028 година.
Од 1 јануари 2026 година, Словенија ќе воведе значајни промени на пазарот на трудот, следејќи ги примерите на Исланд, Ирска и Германија. Главна новина е моделот на скратено работно време за постари работници, како и проширување на правата за невработени, млади, студенти и пензионери.
