Земјотрес со магнитуда 4,3 степени регистриран во Грција
18/08/2025 23:38
Вечерва, во 22:38 часот по локално време, е регистриран земјотрес со магнитуда 4,3 степени во централниот дел на Грција, информира Одделот за геофизика при Аристотеловиот универзитет во Солун.
Епицентарот бил на 18 километри источно-североисточно од Карпениси и околу 79 километри јужно-западно-јужно-западно од Лариса. Потрусот се случил на релативно мала длабочина од 7 километри.
Земјотресот бил почувствуван во поширокиот регион, особено во Карпениси и околните помали населени места, но засега нема информации за причинета материјална штета или повредени лица.
