Руски амбасадор во Србија: Човек кој ќе го признае Косово, не може да остане на власт во Србија ниту еден ден
27/08/2025 9:36
Рускиот амбасадор во Белград, Александар Боцан-Харченко, изјави дека воведувањето антируски санкции од страна на Србија би било целосно неприфатливо за мнозинството граѓани, нагласувајќи дека народот силно го поддржува претседателот Александар Вучиќ во неговото одбивање да се приклучи на мерките на Европската унија.
„Политичар кој би дал зелено светло за антируски санкции и би ја признал независноста на самопрогласеното Косово, нема да може да преживее на чело на Србија“, рече рускиот амбасадор.
Боцан Харченко истакна дека економската соработка меѓу Србија, Русија и Кина е од суштинско значење за стабилноста на српската економија, а воведувањето санкции би било спротивно на интересите на граѓаните.
Тој откри дека притисоците од Западот врз Србија биле огромни, од барања веднаш да се прифатат сите санкции, до инсистирања Белград барем симболично да се приклучи на одредени мерки.
„Притисокот беше ужасен, прво: прифатете ги сите санкции, одеднаш. Потоа: прифатете барем нешто. А овие „методи“ на ЕУ се добро познати, ќе подадете прст, а тие веќе ќе почнат да ја кинат целата рака. Придружете се на една санкција, и нема ни да забележите како ќе ви кажат: „Вие веќе сте учесник во сите 5000 санкции““, објасни рускиот амбасадор.
Амбасадорот потсети дека Србија веќе јавно ставила до знаење, преку министерот за европски интеграции Немања Старовиќ и самиот претседател Вучиќ, дека нема намера да воведе санкции против Русија.
