Зеленски најавува подготвеност за разговори, Трамп се сомнева во намерите за мир на Украина и Русија, Москва бара истрага за „Северен тек“
28/08/2025 8:32
Киев призна дека руските сили навлегле во клучниот регион Днепар, каде Москва тврди дека има напредок уште од јули. Војната продолжува со меѓусебни напади со беспилотни летала, додека дипломатските напори се во фокусот на двете страни.
Украинскиот претседател Володимир Зеленски изјави дека Украина ќе биде целосно подготвена за разговори со Русија за завршување на конфликтот. Тој нагласи дека во тек се контакти со Турција, земјите од Заливот и Европа, кои би можеле да послужат како платформи за преговори. Зеленски ја потенцира важноста на САД и нивните сојузници за вршење притисок врз Москва.
Од друга страна, американскиот претседател Доналд Трамп оцени дека сите страни се преправаат во врска со мировните иницијативи. Тој предупреди дека доколку Русија одбие прекин на огнот, САД ќе воведат нови економски санкции, истакнувајќи: „Тоа нема да биде светска војна, туку економска војна – лоша за Русија. Зеленски не е баш невин, потребни се двајца за танго“.
Во меѓувреме, Русија побара меѓународна истрага за експлозијата на гасоводот „Северен тек“ од 2022 година, откако во Италија беше уапсен Украинец осомничен за координација на подводните експлозии.
Заменик-постојан претставник на Русија во ООН, Дмитриј Полјански, изјави дека истрагата е клучна не само за Русија и Германија, туку и за спречување на идни акти на меѓународен тероризам.
За експлозиите на „Северен тек 1“ и „Северен тек 2“, Германија, Данска и Шведска не ја исклучија можноста за саботажа. Германското обвинителство отвори постапка за меѓународен тероризам, но Москва и понатаму тврди дека не добила информации за инцидентот.
Киев призна дека руските сили навлегле во клучниот регион Днепар, каде Москва тврди дека има напредок уште од јули. Војната продолжува со меѓусебни напади со беспилотни летала, додека дипломатските напори се во фокусот на двете страни.
