Еден активен пожар кај Тиквешко Езеро, пет под контрола низ државата

Според информациите на Центарот за управување со кризи (ЦУК), заклучно со 8:30 часот утринава, на територијата на Македонија е регистриран еден активен пожар, додека пет пожари се ставени под контрола.

📌 Активен пожар:

• Општина Кавадарци – во близина на Тиквешкото Езеро, каде што гори нискостеблеста шума и трева.

📌 Пожари под контрола:

• Општина Македонски Брод – во Повеќенаменското подрачје Јасен, каде што гори мешана шума.

• Општина Гевгелија – на планината Кожуф, со приземен пожар.

• Општина Желино – во с. Мерово (мешана шума) и с. Церово (ниска вегетација и мешана шума).

• Општина Долнени – во с. Долгаец, каде што гори мешана шума.

Надлежните служби и понатаму ја следат состојбата и интервенираат на терен за да спречат ширење на активните огнови.

Share on Facebook

Tweet

Follow us

Save