Акции во „Национални шуми“: Приведени директор и вработена, се истражува организирана мрежа за дрва

Акции во Национални шуми се спроведуваат во повеќе градови поради сомнежи за незаконско постапување со дрвна маса.

Во изминатите денови биле приведени директор на подружницата „Црн Бор“ во Прилеп и вработена во подружницата „Бабуна“ во Велес, информира заменик-директорот на ЈП „Национални шуми“, Кире Михаилов.

Според него, случаите се дел од пошироки активности за откривање и сузбивање незаконски дејствија поврзани со транспорт и продажба на дрва.

Приведени три лица во Теово

За случајот во Велешко, МВР претходно соопшти дека на 7 октомври во селото Теово биле лишени од слобода три лица.

Меѓу нив имало и вработена во „Национални шуми“.

При интервенцијата биле одземени дрва и други предмети поврзани со случајот.

Кривична и штета од над 50.000 евра

Михаилов информира и за одделен случај во Свети Николе.

Таму била поднесена кривична пријава против вработен во подружница на претпријатието и против едно правно лице.

Според неговите наводи, штетата се проценува на повеќе од 50.000 евра.

Одземени 400 кубни метри огревно дрво

Паралелно се спроведувале акции за одземање возила и огревно дрво.

Од правно лице во Скопско биле одземени околу 400 кубни метри огревно дрво.

Неговата вредност се проценува на околу два милиони денари, односно повеќе од 30.000 евра.

Акцијата била реализирана по десетдневна истрага.

Во неа учествувале Јавното обвинителство, МВР и Шумската полиција.

Михаилов: Се сомневаме на добро организирана група

Според Михаилов, досегашните информации упатуваат на можна организирана група која подолго време се занимавала со незаконски транспорт и продажба на дрва.

Тој посочува дека се проверува дали мрежата опфаќала повеќе подрачја.

Меѓу нив ги наведе Скопска Црна Гора, Китка, Гостивар и Велес.

Во тек се проверки и за евентуална вмешаност на лица од институциите.

„Нема недопирливи“

Михаилов порача дека во постапките нема да има привилегирани лица.

Според него, секој за кого ќе се утврди дека го прекршил законот ќе мора да одговара.

Тој повтори дека нема да има поделба на „наши“ и „ваши“.

Акции во Национални шуми продолжуваат, а надлежните институции проверуваат дали станува збор за поширока мрежа поврзана со незаконска продажба и транспорт на дрва.