Се појави уште еден кандидат за градоначалник за Карпош: Актуелната советничка на „Независни за Карпош“ ќе се кандидира за градоначалник на општината
30/08/2025 12:54
Во трката за градоначалник на Општина Карпош со своја кандидатура ќе настапи Невена Георгиевска, поддржана од граѓанската иницијатива „Независни за Карпош – За заштита на Карпош“, пренесува порталот pari.com.mk.
Носител на советничката листа ќе биде Татјана Чакулев од „О2 Иницијатива“. Георгиевска веќе има искуство како советничка во Општина Карпош, каде влезе како носител на независната листа „Независни за Карпош“.
📌 Активизам и позадина:
Живее во Карпош 4, каде жителите ја паметат како еден од најгласните активисти за заштита на зелените површини и парковите, борба која започна во 2015 година и заврши со успешен епилог.
Активна е во рамки на движењата „О2 Иницијатива“, „Ние сме Карпош 4“ и „Го Сакам Водно“.
По професија е дипломиран инженер по електротехника, информатика и автоматика (ЕТФ – Скопје) и има 26 години работно искуство во развој на софтвер.
📌 Јавниот имиџ: Георгиевска е позната како поборник за хуманото живеење и иницијатор за уставни укинувања на штетните урбанистички планови, кои според неа оставиле ненадоместливи последици врз животната средина и квалитетот на живот во општината.
Во трката за градоначалник на Општина Карпош со своја кандидатура ќе настапи Невена Георгиевска, поддржана од граѓанската иницијатива „Независни за Карпош – За заштита на Карпош“, пренесува порталот pari.com.mk.
