Тежок удар за Србија: Капитенот Богдан Богдановиќ го заврши настапот на Евробаскет поради повреда
31/08/2025 10:06
Капитенот на српската кошаркарска репрезентација Богдан Богдановиќ го заврши своето учество на Евробаскет 2025 поради сериозна повреда. Според информации од САД, кај Богдановиќ е потврдена руптура на мускулот на задната ложа, поради што тој нема да може да настапи на остатокот од турнирот.
Ова е огромен удар за селекцијата на Светислав Пешиќ, бидејќи Богдановиќ повеќе од 15 години е срце и душа на српската репрезентација. Тој важи за лидер на теренот – кошаркар кој презема одговорност во клучни моменти, но и некој кој знае да им пружи поддршка на помладите соиграчи. Надвор од паркетот, познат е како мотиватор и градител на тимска атмосфера.
Како се случи повредата? Богдановиќ ја доживеа повредата во завршницата на првото полувреме на натпреварот против Португалија (80:69 за Србија). По еден продор, тој се фати за задната ложа и со болна гримаса го напушти теренот, без да се врати во игра.
Иако нема да може да помогне на теренот, Богдановиќ најави дека ќе остане со тимот и ќе ја даде целата своја поддршка до крајот на шампионатот.
Капитенот на српската кошаркарска репрезентација Богдан Богдановиќ го заврши своето учество на Евробаскет 2025 поради сериозна повреда. Според информации од САД, кај Богдановиќ е потврдена руптура на мускулот на задната ложа, поради што тој нема да може да настапи на остатокот од турнирот.
