Нестабилно време со пороен дожд, грмежи и услови за невреме во Македонија
04/09/2025 7:56
Денеска во Македонија ќе преовладува променливо облачно и нестабилно време, со услови за пороен дожд и грмежи. На одредени места е можност за краткотрајно невреме, при што:
ќе наврнат над 20 литри дожд по квадратен метар за кратко време,
ќе дува засилен ветер над 60 km/h,
ќе има услови за изолирана појава на град.
🌡️ Температурите ќе се движат од 12 до 20°C минимални и од 26 до 32°C максимални.
📍 Времето во Скопје
Во главниот град се очекува променливо облачно и нестабилно време со пороен дожд и грмежи. На одделни делови од котлината процесите ќе бидат во форма на краткотрајно невреме. Минималната температура ќе се спушти до 17°C, а максималната ќе достигне до 30°C.
📅 Наредни денови
Според Управата за хидрометеоролошки работи (УХМР), од утре следува стабилен период со слаб до умерен северен ветер, кој ќе се задржи до недела. Од понеделник ветерот ќе го смени правецот во јужен, а времето ќе остане претежно стабилно.
Денеска во Македонија ќе преовладува променливо облачно и нестабилно време, со услови за пороен дожд и грмежи. На одредени места е можност за краткотрајно невреме, при што:
