Дариус Конџи добитник на Златна камера 300 за животно дело на „Браќа Манаки“
25/09/2025 12:00
На свеченото отворање на 46. издание на Интернационалниот фестивал на филмска камера „Браќа Манаки“ во Битола, францускиот кинематографер Дариус Конџи беше награден со престижната награда „Златна камера 300“ за животно дело. Министерот за култура и туризам, Зоран Љутков, му ја врачи наградата, а првите честитки ги упатија и директорот на фестивалот, Димитрија Доксевски.
Конџи, кој има соработувано со некои од најголемите режисери во светската кинематографија, изрази благодарност за признанието и ја посвети наградата на својата сопруга, Мариен, за нејзината постојана поддршка.
Организаторите на фестивалот истакнаа дека Дариус Конџи е врвен естет кој по сите критериуми ја заслужи оваа награда за својот животен опус.
„Браќа Манаки“ е најстариот филмски фестивал во Македонија, основан во 1979 година, и се одржува во родниот град на браќата Манак, Битола.
