Вандализам среде Паркот на Франкофонијата: Боксерските реквизити расфрлани и уништени!
26/09/2025 11:35
Во Паркот на Франкофонијата во Скопје беше забележан вандалски чин – уништени и расфрлани боксерски реквизити кои беа поставени за рекреација и спорт на отворено.
Граѓаните кои утрово го посетиле паркот велат дека боксерските вреќи и другата опрема биле искинати и фрлени на тревата и патеките. Опремата беше дел од иницијативата за поттикнување на спортот и активностите на младите, но наместо да служи за тренинг и забава, сега е целосно оштетена.
Ваквиот чин предизвика гнев кај спортистите и посетителите на паркот, кои сметаат дека уништувањето на јавната спортска опрема е удар врз сите граѓани и врз напорите за промоција на здрав и активен живот.
Граѓаните бараат од институциите и општинските служби поголема грижа и заштита на јавните простори, за да не се повторуваат вакви инциденти.
