(Видео)Нереди во Црна Гора по протестите: Напади врз турски бизниси и уапсени повеќе лица
29/10/2025 10:39
Во црногорските градови Подгорица и Бар се случија нереди по антимигрантски протести, при што беа демолирани неколку објекти во сопственост на турски државјани, а осум лица се уапсени поради поттикнување национална и верска омраза.
Инцидентот започна откако демонстранти со пароли „Нема да имаме мигранти“ и „Турците нема да шетаат низ градот“ излегоа на улиците, извикувајќи националистички слогани и носејќи транспаренти против мигрантите. Во текот на протестите беше запален автомобил во салон управуван од турска компанија и уништени неколку барови во сопственост на Турци во градот Бар.
Полицијата потврди дека државјани на Турција и Азербејџан се меѓу приведените поради поврзаност со инцидентот. Директорот на црногорската полиција, Лазар Шќепановиќ, изјави дека безбедносните сили ќе обезбедат ред и мир на целата територија на земјата.
Како реакција на случувањата, црногорската влада одлучи привремено да го суспендира безвизниот режим за турски државјани.
Црна Гора има околу 623.000 жители, од кои повеќе од 100.000 се странци со постојан престој – меѓу нив околу 14.000 се турски државјани.
Tonight in Podgorica 🇲🇪 a protest in front of the Montenegrin government over the recent incident when a Turkish 🇹🇷 citizen stabbed one person with knife.
Во црногорските градови Подгорица и Бар се случија нереди по антимигрантски протести, при што беа демолирани неколку објекти во сопственост на турски државјани, а осум лица се уапсени поради поттикнување национална и верска омраза.
