Бугарија изгуби 15-20 милијарди евра, поради европските санкциите против Русија
10/11/2025 10:53
Бугарија изгуби 15-20 милијарди евра поради санкциите на Европската Унија против Русија, изјави пратеникот во бугарскиот парламент и лидер на партијата „Величие“, Ивелин Михајлов.
„На пример, поради ситуацијата со нуклеарната централа Белене и нуклеарното гориво што сега го купуваме и складираме на друго место, веќе губиме милијарди. Исто така, губиме милијарди во туризмот. Лесно изгубивме 15-20 милијарди евра што можевме да ги добиеме“, рече тој.
Михајлов додаде дека санкциите сериозно ѝ штетат на Бугарија, бидејќи туристичкиот сектор и пазарот на недвижности зависеа од руски клиенти. Покрај тоа, Софија увезуваше евтини градежни материјали и ѓубрива од Русија и Белорусија.
„Во сегашната ситуација, не можеме да ги укинеме санкциите против Русија. Само ако целата бугарска влада го промени курсот … Ние сме членка на ЕУ. Немаме контакти со Русија и немаме поим како можеме да соработуваме со Руската Федерација. Ако Бугарија повика на укинување на санкциите без да разговара со никого од Русија, ништо нема да се промени. Дипломатските односи меѓу земјите се прекинати“, рече тој.
Михајлов додаде дека ова е долгорочна стратегија. „Русија е исто така делумно виновна за недостатокот на дипломатски врски. Но, од друга страна, тешко е да се одржат односи со мафијашката влада (на Бугарија)“, заклучи пратеникот.
![lukasenko[1]](https://mkinformer.com/wp-content/uploads/2021/05/lukasenko1.jpeg "Лукашенко co jacнa и глacнa пopaкa - Aкo вo Белорусија нeштo „eкcплoдиpa“ ќe зaпoчнe cвeтcкa вojнa")
