Неколку улици во Аеродром, Карпош и Илинден денес без струја
05/02/2026 10:04
Делови од Скопје денеска ќе останат без електрична енергија поради планирани активности на електродистрибутивната мрежа, информира Центар за управување со кризи.
Од 9:00 до 11:00 часот, без струја ќе бидат дел од потрошувачите на улицата Струма во Општина Карпош, како и дел од корисниците на Булевар „Јане Сандански“ број 30 во Општина Аеродром.
Дополнително, прекин во снабдувањето со електрична енергија е најавен и во Општина Илинден. Таму, од 8:30 до 13:30 часот, без струја ќе останат дел од корисниците на улиците 8 и 11 во населбата Белимбегово.
Од Центарот за управување со кризи апелираат граѓаните навремено да ги прилагодат своите обврски и да ги следат официјалните информации за евентуални промени во распоредот на исклучувањата.
Делови од Скопје денеска ќе останат без електрична енергија поради планирани активности на електродистрибутивната мрежа, информира Центар за управување со кризи.
