ЕВН најави прекини на струја во повеќе градови низ Македонија
16/03/2026 8:47
ЕВН информира дека денес, 16 март, ќе има планирани прекини на електричната енергија во повеќе градови и населени места низ Македонија.
Причина за прекините се технички зафати и редовно одржување на електродистрибутивната мрежа. Без струја ќе останат делови од Скопје, Битола, Охрид, Гостивар, Тетово, Куманово, Велес, Гевгелија, Свети Николе, Росоман, Струмичко и други места.
Прекини на струја во Скопје Во Скопје прекини се најавени во неколку општини.
Во Карпош без струја ќе бидат потрошувачите на улица 1506 во населбата Скупи, како и дел од улица „Никола Карев“ кај реката Лепенец и „Стоп Енд Го“. Прекинот ќе трае од 08:30 до 12:30 часот.
Во општина Горче Петров, поточно во Волково, без електрична енергија ќе останат корисниците на улица 31, во периодот од 09:00 до 15:00 часот.
Во Кисела Вода прекин е најавен на улица „Ефтим Спространов“ од 11:00 до 13:00 часот.
Прекини во Битола и Охрид Во Битола без струја ќе бидат корисниците на улиците „Блаже Рогозинаро“ и „2 Август“. Прекинот ќе трае од 08:00 до 15:00 часот.
Во Охрид прекини се најавени во ОЕМУЦ „Св. Наум Охридски“, ресторанот „Панорама“, дел од улица „Живко Чинго“ од Панорама до Водостопанство, како и зграда на улица „15 Корпус“. Прекинот таму ќе трае од 10:00 до 15:30 часот.
Прекини во Велес, Гевгелија и Куманово Во Велес без струја ќе останат реонот на Башино Село, повеќе локации поврзани со индустриски објекти и дел од улицата „Академик Пенчо Давчев“. Прекинот е најавен од 08:55 до 12:00 часот.
Во Гевгелија без електрична енергија ќе биде дел од улицата „Гевгелиски партизански одред“ од 08:30 до 15:30 часот.
Во Куманово прекини се планирани на повеќе улици, меѓу кои „Прохор Пчински“, „Наум Охридски“, „Панче Пешев“, „Ленинова“, „Партизанска“ и „Димитар Влахов“. Прекините ќе траат од 08:00 до 14:30 часот.
Прекини во Гостивар, Тетово и Маврово Во Гостивар без струја ќе бидат повеќе населени места и индустриски зони. Меѓу нив се Здуње, Равен, Лешница, Долна и Горна Бањица, како и Фазанерија и Грудајца. Прекините таму ќе бидат во различни периоди меѓу 08:15 и 16:00 часот.
Во Тетово и околните населени места прекини се најавени во делови од градот, во индустриски објекти, на Универзитетот на Југоисточна Европа, како и во селата Горно Седларце, Слатино, Брвеница, Шемшево и Непроштено.
Во Маврово е најавен краткотраен прекин во скијачкиот центар, хотел „Бистра“ и хотел „Фершпед“.
Прекини и во други населени места Дополнителни прекини на струја се најавени и во Делчевско, односно во селата Вирче, Стар и Нов Истевник, Тработивиште и Разловци.
Планирани исклучувања ќе има и во Росоман, Паликура и Рибарци, потоа во Чашка, односно во селата Нежилово, Папрадиште и Ореше, како и во Колино, Мислешево и Калишта.
Прекини се најавени и во Свети Николе, Карбинци, како и во делови од Струмичко.
Апел до граѓаните Од ЕВН апелираат граѓаните навреме да ги земат предвид најавените прекини и да ги прилагодат дневните активности.
