Американскиот претседател Доналд Трамп денеска изјави дека украинскиот претседател Володимир Зеленски ќе ја пропушти својата шанса за мир доколку „не дејствува“, оценувајќи дека Москва е подготвена за договор.
„Русија сака да постигне договор и Зеленски ќе мора да дејствува. Во спротивно, ќе пропушти голема можност. Мора да преземе чекори“, изјави Трамп пред новинарите во Белата куќа.
На почетокот од следната недела се очекува нова рунда разговори меѓу претставници на САД, Украина и Русија во Женева. Деталите за агендата и составот на делегациите засега не се соопштени.
Трамп се осврна и на Иран, повторувајќи дека Техеран ќе се соочи со последици доколку разговорите за неговата нуклеарна програма не дадат резултат.
„Мислам дека ќе бидат успешни. А ако не бидат, тоа ќе биде лош ден за Иран“, рече Трамп.
Изјавите доаѓаат во чувствителен момент за дипломатските напори поврзани со војната во Украина и со иранската нуклеарна програма, при што се очекува следните денови да донесат појасна слика за можните договори и насоката на преговорите.
