ДУИ нека бара екстардиција на Груби од Албанија, па после нека збори за криминали
16/02/2026 13:49
Коалицијата Вреди реагираше на најавата на Демократска унија за интеграција (ДУИ) во Чаир за формирање на таканаречен „локален СПАК“, оценувајќи дека станува збор за политички маркетинг, а не за вистинска борба против корупцијата.
Во денешното соопштение, Вреди прашува дали најавеното „Албанско специјално обвинителство против организиран криминал и корупција“ ќе го истражува и сопственото раководство на ДУИ или ќе остане, како што наведуваат, „театар за измама на граѓаните“.
Посочени имиња и обвинувања
Од Вреди наведуваат дека корупцијата има „познати лица“, посочувајќи ги Фатон Ахмети, поради сомневања за злоупотреба на средства во Фонд за здравствено осигурување, како и Арбер Адеми, за кого тврдат дека има отворени случаи поврзани со злоупотреба во периодот додека бил министер за образование.
Во соопштението се споменува и Бујар Османи, во контекст на случајот „Пациент“, како и други лица кои, според Вреди, се дел од раководството на ДУИ.
Повик за конкретни чекори
Коалицијата наведува дека го поздравува формирањето на „СПАК“, но само доколку тој навистина преземе конкретни активности. Тие предлагаат воспоставување комуникација со СПАК Албанија и барање екстрадиција на Артан Груби.
„Ако овој ‘СПАК’ е сериозен, нека се обиде да ги истражи сопствените недопирливи. Само тогаш граѓаните ќе веруваат дека транспарентноста не е фасада, туку реалност. Дотогаш, ова останува потсмев – ‘СПАК за Фејсбук’, а не за правда“, се наведува во реакцијата.
Од ДУИ засега нема официјален одговор на овие обвинувања.
Коалицијата Вреди реагираше на најавата на Демократска унија за интеграција (ДУИ) во Чаир за формирање на таканаречен „локален СПАК“, оценувајќи дека станува збор за политички маркетинг, а не за вистинска борба против корупцијата.
