(Видео)Полски европратеник со критики: „Европа спие додека светот гори“
01/03/2026 12:45
Полскиот европратеник Доминик Терзински упати остри критики кон европските институции, обвинувајќи ги за неактивност во момент на сериозна геополитичка ескалација на Блискиот Исток.
Во видео обраќање од зградата на Европски парламент во Брисел, Терзински шета низ празните ходници и ја критикува, како што вели, „несериозноста“ на Европа.
„Додека нападот врз Иран започна рано утрово по европско време, јас бев во парламентот, но овде нема никој. Америка и Израел го извршија нападот, Иран возврати, а тука сè уште нема никој“, изјави тој.
Критики за доцнење на реакцијата
Терзински посочи дека европските лидери не работат за викенд и дека претседателката на Европската комисија, Урсула фон дер Лајен, закажала итен состанок дури во понеделник.
Според него, тоа значи дека Европа ќе реагира со задоцнување, занимавајќи се само со последиците од веќе случените настани.
„Ова е уште еден доказ дека оваа Европа не е во кондиција да биде дел од светските случувања“, порача европратеникот.
Поддршка за акцијата на САД
Терзински ја поздрави акцијата на поранешниот американски претседател Доналд Трамп против Иран и упати порака на поддршка до иранскиот народ, говорејќи за, како што наведе, нивно „ослободување“.
Изјавите на полскиот европратеник доаѓаат во време на зголемени тензии на меѓународната сцена, при што европските институции најавуваат координација и дипломатски консултации во наредните денови.
Полскиот европратеник Доминик Терзински упати остри критики кон европските институции, обвинувајќи ги за неактивност во момент на сериозна геополитичка ескалација на Блискиот Исток.
