Вучиќ предупредува: Можни се најтешки жртви во историјата на човештвото
07/03/2026 19:05
Претседателот на Србија, Александар Вучиќ, при презентацијата на националната стратегија „Србија 2030“ се осврна и на актуелните глобални политички случувања, особено на конфликтот на Блискиот Исток.
Вучиќ изјави дека според неговите проценки светот се наоѓа на почеток на поширок меѓународен конфликт и предупреди дека во наредниот период може да следува сериозна ескалација со големи човечки жртви.
Тој нагласи дека уште претходно предупредувал на развојот на настаните во регионот на Иран и Блискиот Исток.
„Затоа лесно предвидов што ќе се случи на истокот на Европа и во Иран. Го најавував тоа еден месец, а многумина се смееја на тоа“, изјави Вучиќ.
Според него, актуелните конфликти може да прераснат во поширока глобална криза.
„Ова е само почеток на конфликти. Американците ќе ја уништат целата воена инфраструктура, Иранците се храбри луѓе и ќе се борат, но во еден момент е јасно чија моќ е доминантна и ќе мора да има примирје. Ова е само почеток на конфликти низ целиот свет“, рече српскиот претседател.
Вучиќ изрази и загриженост дека идните судири би можеле да донесат најтешки жртви во историјата на човештвото, па дури и употреба на оружје кое досега било употребено само еднаш.
„Се надевам дека грешам, но се плашам дека на крајот повторно ќе биде правилно распоредувањето на фактите“, изјави тој.
Во своето обраќање, Вучиќ нагласи дека најважниот приоритет за Србија во следната деценија ќе биде зачувување на мирот и стабилноста.
„Нашата прва цел во следните девет или десет години е да го зачуваме мирот и стабилноста во земјата. Отсекогаш сме биле храбра и горда нација која ја штитела слободата, но скапо плативме за тоа во двете светски војни“, порача претседателот на Србија.
