Хрватска ги ограничува цените на горивата поради војната на Блискиот Исток
09/03/2026 13:47
Владата на Хрватска одржува вонредна седница поради нестабилноста на светските енергетски пазари предизвикана од војната на Блискиот Исток и конфликтот со Иран, што директно влијае врз цените на нафтените деривати.
Премиерот Андреј Пленковиќ потврди дека владата повторно ќе интервенира со ограничување на цените на горивата за да се заштитат граѓаните од нагло поскапување.
„Поради војната на Блискиот Исток, Ормутскиот теснец беше затворен, што доведе до зголемување на цената на нафтата. Цените сега се меѓу 105 и 107 долари за барел, што претставува раст од околу 50 проценти за само десет дена“, изјави Пленковиќ.
Според него, владата ќе ја измени Уредбата за утврдување на највисоките малопродажни цени на нафтените производи, како и Уредбата за износот на акцизата за енергетските производи и електричната енергија.
Без владина интервенција, цената на евродизелот би достигнала 1,72 евра за литар, но со новата мерка ќе изнесува 1,55 евра. Бензинот, пак, ќе чини 1,50 евра наместо 1,55 евра.
Според пресметките на хрватската Агенција за јаглеводороди, без ограничувањето цената на дизелот би била повисока за 24 центи по литар, а бензинот за девет центи. Тоа би значело дека просечен резервоар од 50 литри дизел би поскапел за околу 12 евра, а бензин за околу 4,5 евра.
Со оваа мерка, хрватската влада се обидува да го ублажи ударот од глобалната енергетска криза врз граѓаните и економијата.
„Поради војната на Блискиот Исток, Ормутскиот теснец беше затворен, што доведе до зголемување на цената на нафтата. Цените сега се меѓу 105 и 107 долари за барел, што претставува раст од околу 50 проценти за само десет дена“, изјави Пленковиќ.
