Амбасадата на Соединетите Американски Држави во Багдад била цел на ракетен напад, при што проектил погодил дел од комплексот во силно обезбедената Зелена зона.
Според безбедносни извори, ракетата паднала во рамките на амбасадниот комплекс. Притоа, бил погоден хелиодром, а над објектот се издигнал густ чад.
Напад во време на силна регионална ескалација Инцидентот се случил во период на силни тензии на Блискиот Исток. Во фокусот се воените дејствија меѓу САД, Израел и Иран.
Во изминатите недели, повеќе проирански вооружени групи во Ирак најавија дека ќе ги таргетираат американските интереси во регионот. Затоа, овој напад дополнително ја зголеми загриженоста за нова ескалација.
Засега нема информации за жртви Ирачки безбедносни претставници потврдиле дека проектилот погодил дел од амбасадниот комплекс.
Сепак, засега нема официјални информации за евентуални жртви или за поголема материјална штета.
По нападот, на социјалните мрежи се појавија снимки на кои се гледа чад што се издига од зградата на дипломатската мисија.
Претходно имало предупредување Амбасадата на САД претходно издаде предупредување до американските државјани во Ирак за зголемени безбедносни ризици.
Во пораката било наведено дека постои опасност од можни напади од групи поврзани со Иран. Воедно, граѓаните биле повикани на зголемена внимателност.
Нападот врз амбасадата повторно ги отвори стравувањата дека конфликтот може дополнително да се прошири. Особено по серијата ракетни и беспилотни напади врз американски воени и дипломатски цели на Блискиот Исток.
