Маж уапсен во Босна поради закани на TikTok, дека ќе убие христијани
18/03/2026 8:59
Полициски службеници на Федералната полициска управа во Босна и Херцеговина уапсиле лице кое јавно упатувало закани за насилство преку TikTok.
Случајот го води Одделот за борба против тероризмот, под надзор на Обвинителството на БиХ. Според наводите, заканите биле изнесени за време на пренос во живо на социјалната мрежа.
Акција по судска наредба
По добиена судска наредба, полициски службеници извршиле претрес на куќа во Зеничко-добојскиот кантон што ја користело осомниченото лице.
Притоа, биле пронајдени и запленети предмети што ќе бидат предмет на понатамошна кривична постапка.
Истрагата продолжува
Осомничениот е опфатен со кривична постапка. Во меѓувреме, полициските службеници продолжуваат со активности во координација со Обвинителството на Босна и Херцеговина.
Целта е целосно да се документира делото и да се утврдат сите релевантни околности во случајот.
