Војната во Иран ги зголемува цените на авионските билетите
04/04/2026 18:56
Воздушниот сообраќај под притисок на војната во Иран
Војната во Иран веќе предизвикува потреси во воздушниот сообраќај и индустријата за авионски превоз. Патниците од регионот наскоро би можеле да ги почувствуваат последиците преку повисоки цени на билетите. Главен фактор е скокот на цените на нафтата и нарушувањата во снабдувањето со авионско гориво, што директно ги зголемува трошоците за летовите.
Нафтата двојно поскапе: Од 60 на 109 долари
Денешната цена на суровата нафта од типот Брент изнесува околу 109 долари за барел – речиси двојно повеќе од 60 долари пред почетокот на конфликтот.
Млазното гориво за авионите од февруари до 20 март скокна од 96 на 197 долари за барел. Ова предизвика трошоците за Боинг 737-800 да се зголемат од околу 17.000 на повеќе од 27.000 долари за едно патување.
Ограничени летови на клучните аеродроми
Прекините во воздушниот сообраќај на Блискиот Исток веќе траат еден месец, особено во воздушниот простор на регионот. Главните аеродроми, како Дубаи, Абу Даби и Доха, клучни точки за меѓународниот сообраќај се делумно обновени, но летовите се ограничени и подлежат на чести промени.
Откажувања на летови: Катар ервејс и Рајанер
Негативниот ефект веќе се чувствува кај голем број авиокомпании:
„Катар ервејс“ мораше да откаже речиси 91 процент од своите летови
Рајанер – главниот извршен директор Мајк О’Лири најави можни откажувања од 5 до 10 проценти од летовите во мај, јуни и јули, доколку ситуацијата околу Ормускиот Теснец не се стабилизира
Аналитичарите предупредуваат дека најслабите превозници би можеле целосно да престанат со работа.
Билетите поскапеа за 24 проценти
Аналитичката фирма OAG објави дека цените на билетите во светот во првите два месеци од 2026 година се зголемени за 24 проценти во споредба со истиот период лани. На популарните туристички рути, растот на цените достигнува од 10 до 20 проценти.
Шокантен пример: патување од Загреб до Бангкок сега чини 3.000 евра, додека пред конфликтот билетот чинел околу 1.000 евра, тројно поскапување.
Што следи во Европа?
Во Европа, многу авиокомпании засега успеваат да ја задржат контролата над цените преку фјучерс договори и други инструменти за заштита од ризик. Но, ако конфликтот продолжи со месеци, зголемувањето на цените на билетите станува неизбежно.
