Денеска пресуда за Штекли и уште четворица: Каков ќе биде судскиот финиш?
29/04/2026 7:57
Во Основниот кривичен суд Скопје денеска ќе биде објавена пресудата за Раде Трајковски–Штекли и уште четворица обвинети. Предметот се однесува на организирана криминална група за неовластено производство и трговија со кокаин и марихуана.
Во почетокот на постапката беа опфатени 16 лица. Од нив, седум склучија спогодба со Обвинителството и добија затворски казни од три до три и пол години. Уште четворица признаа вина, па постапката за нив беше издвоена.
Според обвинението, групата дејствувала од јануари 2024 до јануари 2025 година. Обвинителството тврди дека станувало збор за добро организирана мрежа со јасно поделени улоги, од набавка до продажба на дрога.
Како првообвинет, Раде Трајковски–Штекли се товари дека бил организатор и координатор на групата. Според обвинението, тој бил во контакт со лица од странство и со посредници во земјава за набавка на кокаин. Воедно, наводно давал насоки за ширење на мрежата.
Обвинителството тврди дека дрогата се чувала во изнајмени станови. Потоа се продавала по цени од 4.500 до 6.000 денари за грам кокаин и од 200 до 300 денари за грам марихуана.
Според наводите, комуникацијата меѓу осомничените се одвивала преку апликации за заштитена комуникација, меѓу кои и „Снепчет“. Дел од клучните докази, според обвинението, биле обезбедени преку систем за анализа на мобилни телефони.
На почетокот на судењето, Трајковски изјави дека не го разбира обвинението. Останатите обвинети се изјаснија дека не се чувствуваат виновни.
Одбраната на Штекли тврди дека тој не формирал, ниту организирал криминална група. Адвокатите посочија и дека нема докази оти давал инструкции, оценувајќи дека обвинението се темели на претпоставки.
Во Основниот кривичен суд Скопје денеска ќе биде објавена пресудата за Раде Трајковски–Штекли и уште четворица обвинети. Предметот се однесува на организирана криминална група за неовластено производство и трговија со кокаин и марихуана.
