Загина 28-годишен возач од Крива Паланка во несреќа кај Страцин, удрил во бетонски заштитен ѕид

04/07/2026 11:42

Дваесет и осумгодишен возач од Крива Паланка загина во сообраќајна несреќа што се случила ноќеска на магистралниот пат кај селото Страцин, кратовско.

Според информациите од МВР, несреќата била пријавена синоќа, 10 минути по полноќ, во ОВР Кратово.

Возилото излетало од патот

Во несреќата учествувало патничко возило „опел астра“ со кривопаланечки регистарски ознаки.

Возилото го управувал Н.С. (28) од Крива Паланка.

Според МВР, автомобилот излетал од патот и удрил во бетонски заштитен ѕид.

На местото на несреќата починал возачот.

Смртта ја констатирал лекар од Итната медицинска помош.

По наредба на јавен обвинител, телото на починатиот било предадено на Институтот за судска медицина за обдукција.

Увид на местото на несреќата извршила екипа од ОВР Кратово.

Надлежните институции работат на утврдување на причините за несреќата.