На Евзони споени колоните возила меѓу македонската и грчката граница

05/07/2026 22:41

Гужвите на граничните премини кон Грција го достигнуваат својот врв овој викенд.

Најкритична е состојбата на главниот премин Евзони, каде колоната возила се спојува со македонската страна од границата.

Чекање и до еден час и 40 минути

Според последните информации што ги споделуваат туристите на социјалните мрежи, чекањето за влез во Грција преку Евзони е околу еден час и 40 минути.

Метеж има и на алтернативниот премин Дојран.

Таму, според истите информации, за излез од Македонија се чека околу час и половина.

Добра вест за оние што патуваат ноќе е тоа што протокот на сообраќај се одвива побрзо.

Причината е што на грчката страна во текот на ноќта не се применуваат ригорозни проверки на EES системот, односно системот за влез и излез.

Тоа значително го забрзува поминувањето на границата.

Возачите кои рано утрово ја поминале границата јавуваат дека состојбата на обиколницата кај Солун е добра.

Спротивно на очекувањата, и покрај работите што се одвиваат со месеци, сообраќајот таму се одвивал нормално.

Засега нема информации за поголеми застои на оваа делница.