Иран се заканува дека ќе го затвори Ормускиот Теснец, ако САД го нападне
08/07/2026 20:27
Иран се заканува дека ќе го затвори Ормускиот Теснец по секој нов американски напад
Техеран предупредува на целосно затворање на клучниот воден пат по секоја нова американска воена акција, заканувајќи се со одмазда и кон регионалните сојузници на САД
Нова стратегија на Иран
Иран ќе го затвори Ормускиот Теснец во случај на какви било нови американски напади, изјави ирански безбедносен извор за Press TV. Соопштението дојде откако американскиот претседател Доналд Трамп на самитот на НАТО во Турција изјави дека САД „ќе удрат силно вечерва“врз Иран, објави Sky News.
„Новата стратегија на Иран е дека по секој напад, Ормускиот теснец ќе биде целосно затворен“, рече изворот.
Водниот пат е клучен за глобалната економија, низ него минуваат една петтина од светските пратки нафта и течен природен гас во мирно време.
Закана за двојно повеќе цели
Покрај затворањето на теснецот, изворот вети дека Иран ќе нападне најмалку двојно повеќе цели по секој американски напад. Тој, исто така, упати прикриена закана до сојузниците на САД во регионот.
„Секоја закана ќе биде одговорена со силен одговор. Иран не прави разлика помеѓу САД и неговите регионални партнери“ , додаде тој.
Во меѓувреме, како одговор на најновите американски напади, Корпусот на Исламската револуционерна гарда објави преку ноќ дека таргетирала 85 американски воени локации во Бахреин и Кувајт.
Економски притисок како оружје
Оваа нова закана за затворање на теснецот доаѓа и покрај тврдењето на американскиот претседател дека Иран„не може ништо да направи“ за да ги спречи понатамошните напади. Сепак, досегашниот тек на конфликтот покажа дека економскиот притисок преку Ормускиот Теснец ги принудил САД на преговарачка маса.
