(Видео)Кувајт втора ноќ под напади откако САД и Иран ги прекинаа примирјето и преговорите

Кувајт втора ноќ последователно е цел на напади, откако американската војска изврши нова серија удари врз цели во Иран.

Воздушната одбрана на Кувајт пресретнала ирански ракети и беспилотни летала, се наведува во армиското соопштение објавено рано изутринава на платформата „Икс“.

Засега нема дополнителни детали за нападите.

Сирени за воздушна опасност и во Бахреин

Сирените за воздушна опасност повторно се огласија и во Бахреин.

Слична состојба имаше и претходната ноќ.

Министерството за внатрешни работи ги повика граѓаните да побараат засолниште и да останат смирени.

Земји со американски воени бази

Кувајт, Бахреин и други земји од Заливот во повеќе наврати беа цел на ирански напади.

Во двете држави, кои се сојузници на САД, има американски воени бази.

Тие се лоцирани на само неколку стотици километри од Иран.

#BREAKING: Iran has so far launched strikes at US bases in Kuwait, Bahrain, Qatar, Jordan and possibly the UAE tonight.

A second wave toward Bahrain is currently underway. pic.twitter.com/6jBaJ29Sxp

— Iran Flash News (@FlashWireNews) July 9, 2026

САД со нови воздушни напади врз Иран

Американската војска во текот на ноќта започна нова серија воздушни напади врз Иран.

Според американската страна, целта е ограничување на способноста на Техеран да го наруши поморскиот сообраќај низ Ормуската Теснина.

Овој стратешки морски премин е еден од најважните правци за транспорт на нафта во светот.

Трамп најави уште потешки напади

Американскиот претседател Доналд Трамп предупреди дека ќе следуваат уште потешки напади.

Тој порача дека тоа ќе се случи доколку Иран продолжи со нападите врз бродови.

Со новите напади и предупредувања, кризата на Блискиот Исток дополнително се продлабочува.

عــــــــاجل؟.

انفجارات عنيفة تهز القواعد العسكرية التابعة للقوات الأميركية في الكويت pic.twitter.com/Cg2bDiOaB2

— الأحداث الإيرانية 🇮🇷 (@Ianianevents) July 9, 2026