Приведен 16-годишник откако нападнал 14-годишник со нож во Сарај

12/07/2026 14:22

Малолетник е приведен по физичка пресметка во Сарај, во која 14-годишник се здобил со тешка телесна повреда, информира МВР.

Случајот бил пријавен на 11 јули 2026 година во СВР Скопје.

Според пријавеното, околу 15:00 часот пред угостителски објект во село Сарај, скопско, по претходна расправија бил нарушен јавниот ред и мир.

Пресметка меѓу малолетници

Од МВР информираат дека најпрво дошло до физичка пресметка меѓу 14-годишен малолетник и друг малолетник.

По кратко време, пред продажен објект се сретнале 14-годишникот и 16-годишен малолетник.

Според информациите од полицијата, 16-годишникот го нападнал 14-годишникот со остар предмет и му нанел тешка телесна повреда.

Потоа, 14-годишникот му возвратил со тврд предмет и му нанел повреда.

Ноќеска, околу 01:35 часот, 16-годишниот малолетник бил лишен од слобода од полициски службеници од СВР Скопје.

Со него бил извршен службен разговор во полициска станица.

Разговорот бил спроведен во присуство на родител и адвокат.

Од МВР информираат дека по целосно документирање на случајот ќе биде поднесена соодветна кривична пријава.