Во новите израелски воздушни напади врз Појасот Газа во изминатите два дена загинале најмалку 12 лица, меѓу кои има полицајци, цивили и едно дете, соопштија локалните здравствени власти. Според „Асошијетед прес“, нападите продолжуваат и покрај договорот за прекин на огнот меѓу Израел и Хамас.
Напади во повеќе делови на Газа
Според болнички извори, тројца членови на едно семејство загинале во централниот дел на Газа.
Во одделен воздушен напад врз полициска станица во бегалскиот камп Џабалија, на северот од енклавата, животот го загубиле една жена и шестмина полицајци.
Во Кан Јунис, на југот на Газа, едно лице загинало при напад врз камп со шатори, додека во областа Муваси, во близина на Рафа, болнички претставници соопштија дека израелски војници усмртиле дете.
Израел: Дел од полицајците биле припадници на Хамас
Израелската армија не ги коментираше поединечните напади, но во соопштение за операцијата во Џабалија наведе дека четворица од загинатите полицајци биле припадници на Хамас.
Во соопштението не беа презентирани докази дека тие биле вклучени во подготовка или извршување напади.
Министерството за внатрешни работи во Газа, кое е под контрола на Хамас, соопшти дека меѓу загинатите е и полковникот Мохамад Марван Салем, началник на полициската станица во Џабалија.
Bdía,
Nuevos ataques aéreos sobre la ciudad de #Gaza.
Más muertes, más heridos, más destrucción…
La estrategia es hacer la vida imposible en #Gaza y hacer del silencio un hábito donde todo el mundo pueda acomodarse.
El #genocidio continúa.#NeverStopTalkingAboutGazapic.twitter.com/cCSjLkVl7c
Израел тврди дека полициските објекти претставуваат легитимни воени цели доколку се користат за воени активности или во нив дејствуваат лица поврзани со вооружени структури.
Од друга страна, Хамас наведува дека полицијата е цивилна служба задолжена за одржување на јавниот ред и мир.
Канцеларијата на Обединетите нации за човекови права претходно изрази загриженост поради зачестените напади врз полициски службеници во Газа, оценувајќи дека постои ризик да не се прави доволна разлика меѓу цивилните полициски сили и вооружените групи.
Иако договорот за прекин на огнот требаше да ги намали судирите, локалното Министерство за здравство наведува дека од неговото стапување во сила досега во Газа загинале повеќе од 1.100 лица.
Министерството, кое работи под администрацијата на Хамас, не прави разлика меѓу цивили и борци во својата статистика, но наведува дека најголем дел од жртвите се жени и деца. Обединетите нации и повеќе независни експерти претходно соопштија дека овие податоци генерално ги сметаат за веродостојни.
