(Видео)Паника во ноќен клуб во БиХ: Фрлен солзавец, повредени 38 лица

Солзавец во ноќен клуб во БиХ предизвикал паника и стампедо во VIP Club во Јелах кај Тешањ, при што повредени се 38 лица.

Според информациите од полицијата, инцидентот бил пријавен на 18 октомври околу 00:10 часот.

Непознато лице фрлило средство за кое се сомнева дека е солзавец во внатрешноста на клубот, во момент кога во објектот имало голем број гости.

Едно лице е тешко повредено

По инцидентот лекарска помош побарале вкупно 38 лица.

Според официјалните информации, кај едно лице биле констатирани тешки телесни повреди, додека останатите 37 лица се здобиле со полесни повреди.

Дел од гостите се жалеле на силна кашлица, гушење, отежнато дишење и печење во очите, носот и грлото.

Според неофицијалните информации, неколку лица накратко изгубиле свест поради вдишување на гасот.

Во паниката гостите се газеле меѓу себе

Сведок на настанот изјавил дека клубот бил преполн кога започнала паниката.

Во обид што побрзо да го напуштат објектот, луѓето се туркале и паѓале, а дел од високите маси се превртеле врз гостите.

Според сведочењата, дел од повредените се здобиле и со скршеници на рацете или нозете.

 

View this post on Instagram

 

A post shared by MK!nformer (@mkinformer)

Полицијата истражува кој го фрлил солзавецот

На местото веднаш пристигнале полициски екипи, кои започнале со евакуација и обезбедување на просторот.

За случајот е известен и надлежниот обвинител.

Полицијата продолжува со истрагата за утврдување на идентитетот на сторителот и мотивот за нападот.

Случајот се истражува како кривично дело „предизвикување општа опасност“.

Се проверуваат и наводите за напад врз сопственикот

Во јавноста се појавија информации дека солзавецот можеби бил фрлен низ прозорец од тоалетот во близина на местото каде што се наоѓал сопственикот на клубот.

Поради тоа се појавија шпекулации дека нападот можеби бил насочен кон него, но таквите тврдења засега не се официјално потврдени.

Солзавецот во ноќниот клуб во БиХ предизвикал масовна паника, а полицијата сè уште трага по сторителот.