Просечната плата во август достигна 48.733 денари, за една година пораснала 7,6 проценти
23/10/2026 10:25
Просечната плата во август 2026 година изнесувала 48.733 денари, покажуваат најновите податоци на Државниот завод за статистика.
Во споредба со истиот месец во 2025 година, просечната месечна исплатена нето-плата по вработен е повисока за 7,6 проценти, односно за околу 3.441 денар повеќе во однос на истиот месец минатата година.
Најголем раст во водоснабдувањето и управувањето со отпад
Најголем годишен раст на платите е забележан во секторот снабдување со вода, отстранување отпадни води, управување со отпад и дејности за санација на околината, каде зголемувањето изнесува 11,9 проценти.
Следуваат административните и помошните услужни дејности со раст од 10,7 проценти, како и преработувачката индустрија со 9 проценти.
Раст и во однос на претходниот месец
Во споредба со јули 2026 година, раст на просечната нето-плата е регистриран во неколку сектори.
Најголемо месечно зголемување има кај снабдувањето со електрична енергија, гас, пареа и климатизација – 5,4 проценти.
Во секторот уметност, забава и рекреација растот изнесува 5 проценти, додека кај административните и помошните услужни дејности е 4,2 проценти.
Просечната плата во август достигнала 48.733 денари, што е за 7,6 проценти повеќе во однос на истиот месец минатата година.
Просечната плата во август 2026 година изнесувала 48.733 денари, покажуваат најновите податоци на Државниот завод за статистика.
Раст и во однос на претходниот месец
