Општина Гази Баба објави јавен повик за финансирање на проекти на здруженија и фондации
08/02/2025 10:16
Општина Гази Баба објави јавен повик за финансирање проекти на здруженија на граѓани и фондации. Со цел поддршка на граѓанскиот сектор, оваа година во буџетот на општината се обезбедени 4.000.000 денари. Средствата ќе бидат искористени за финансирање на проекти кои имаат за цел подобрување на заедницата.
Градоначалникот на Општина Гази Баба, Бобан Стефковски, ја повикаат граѓанските организации да поднесат апликации со своите проекти и да искористат овие средства за реализирање на свои идеи.
„Ги повикувам сите граѓански организации да аплицираат и да се вклучат во оваа иницијатива, која има за цел да ја подобри нашата заедница и да ја стимулира активноста на граѓанскиот сектор. Ние сме тука да ги поддржиме вашите проекти“, изјави градоначалникот Стефковски.
Јавниот повик е отворен до 17 февруари 2025 година. Организациите кои сакаат да учествуваат, треба да ги поднесат своите апликации пред истекот на рокот.
