Денешното време ќе биде променливо облачно и нестабилно, со повремени врнежи од дожд, информираат од Управата за хидрометеоролошки работи (УХМР).
На некои места врнежите ќе бидат поинтензивни, со можност за појава на невреме, грмежи и силен ветер.
Минималните температури ќе се движат од 6 до 11 степени, а максималните ќе бидат помеѓу 13 и 20 степени. Во Скопје, се очекува нестабилно време, со пороен дожд, грмежи и засилен ветер. Минималната температура ќе биде околу 10 степени, додека максималната ќе достигне до 18 степени.
Според прогнозата на УХМР, во следните денови се очекува продолжување на променливото облачно време, со чести врнежи од дожд, кои на некои места ќе бидат поинтензивни, а ќе се појават и силни грмежи и ветер со брзина над 70 километри на час.
